Presidenti Meta ka sulmuar sërish ashpër ndërkombëtarët, pa e specifikuar se për kë e ka fjalën, pasi nga ana tjetër, gjithnjë duke komentuar krizën, paralajmëroi se mund të ketë sanksione nga ndërkombëtarët për shkak të 30 Qershorit
“Nuk mund të mos them se edhe një pjesë e faktorit ndërkombëtar janë sjellë në mënyrë tepër të njëanshme, tepër helmuese, duke mos dhënë asnjë kontribut që Shqipëria të përmbushë detyrimet që burojnë nga marrëveshja e Stabilizim-Asociimit me BE dhe që duhet ta ndihmojnë Shqipërinë të çelë negociatat me BE”, tha kreu i shtetit në një intervistë për A2-C
E nga ana tjetër, duke u ndjerë i shpërfillur nga faktori ndërkombëtar, veçanërisht nga fakti se nuk ia njeh 13 Tetorin e tij, Meta tha se Shqipëria mund të ndëshkohet, po nga ndërkombëtarët:
“Për fat të keq, Presidenti, edhe pse është ndjerë i vetëm, ka qenë i qartë dhe i vendosur për t’ia kursyer Shqipërisë një shëmti si farsa e 30 qershorit, që mund të jetë edhe një burim sanksionesh nga organizatat ekzistuese ku Shqipëria bën pjesë”, u shpreh Meta.
Po ashtu, Meta i vetquajt si i vetmi që është përpjekur të zgjidhë krizën politike, ku nga ana tjetër akuzohet nga mazhoranca si ideues dhe iniciues oklut i saj.
“I vetmi institucion që në Shqipëri ka punuar në mënyrë të qartë për zgjidhjen e krizës për fat të keq është vetëm institucioni i Presidentit të Republikës. Më vjen shumë keq, si për mazhorancën, e cila me kokëfortësinë dhe arrogancën e saj në vend të tregonte përgjegjësi ka bërë të kundërtën. Ashtu sikurse opozita, me listën e dëshirave të pafundme, që shpesh dalin jashtë realitetit, e ka bërë të pamundur përfshirjen në institucione”, u shpreh Meta për A2-CNN. /tesheshi.com/
