“Më shumë ekonomi dhe më pak politikë” – është një ndër citatet e prodhuara së fundi nga Ilir Meta, tek i cili opinioni ka fiksuar më shumë thënien “me shumë qetësi dhe dashuri”
“Thoni të gjithë se nuk tha një fjalë për politikë, do ta them. Duke qenë se kam mbaruar Fakultetin e Ekonomisë, që vendi ynë sot ka nevojë për më pak politikë dhe më shumë ekonomi. Jam i bindur se edhe ju do të kontribuoni, në mënyrë që të çojmë më tej mendimin krijues, ekonomik në vend.Ekonomia është një shkencë mjaft dinamike që duhet çdo ditë për ta abdetuar”, tha kreu i Kuvendit dhe njëherit i LSI-së gjatë një ceremonie diplomim në Fakultetit Ekonomik.
Meta është një ndër ish-studentët e diplomuar në këtë fakultet, por që nuk e ushtroi kurrë ekonominë në rolin e një teknokrati duke qenë se u përfshi në politikë që orët e para të pluralizmit. Megjithatë, si për ta justifikuar diplomën, ai është rrekur të hedhë disa teza.
Zhvillimi ekonomik i një vendi modest si Shqipëria kërkon domosdoshmërisht koncepte zhvillimore të reja rajonale dhe globale. Vendi ynë përfaqëson një treg modest, por mund të kthehet në një treg mjaft konkurues dhe me interes vetëm duke u përfshirë aktivisht në bashkëpunimin ekonomik rajonal dhe proçeset integruese të ekonomive të rajonit tonë”, tha Meta, i cili kohët e fundit është parë që endet në sektorë prodhimi për të promovuar frymën e një shqetësimi politik për ekonominë nën lëngatë. /tesheshi.com/
