Presidenti Meta dekretoi Marsida Xhaferllarin si anëtaren e re të Gjykatës Kushtetuese, një akt i papranueshëm për shumicën.
Ndodhi kjo pak para daljes në një konferencë për shtyp, dukee cilësuar këtë emër si të denjë për këtë instancë.
“Është emri me CV me të shkëlqyer që ka sjellë KED, një person i diskriminuar”, tha Meta.
Por nga mazhoranca, ky emërim është cilësuar si një tjetër akt kundër Reformës në Drejtësi nga ana e kreut të shtetit.
Zëdhënësja Elisa Spiropali tha se se “edhe njëherë Ilir Meta iu kundërvu Reformës në Drejtësi dhe Shteteve të Bashkuara e Bashkimit Europian, duke dekretuar kundër ligjit dhe kundër qëndrimit të tyre, me zero legjitimitet kushtetues e ligjor, një gjykatëse mbrapa liste”.
“Edhe njëherë kundërvënia brutale e Ilir Metës ndaj prioritetit themelor të vendit, drejtësisë, na bën të ndjehemi keq për Presidentin e Republikës. Edhe njëherë, Ilir Meta dha një shembull spektakolar për ta kuptuar kush ende nuk e ka kuptuar, se Reforma në Drejtësi ndan thellë e qartë shumicën qeverisëse dhe parlamentin e vendit, nga fronti i atyre që me në krye Ilir Metën, i bashkon kundër nesh Frika nga Drejtesia”, shkroi Spiropali.
Ndërkohë, Marsida Xhaferllari konsiderohet si e afërt politikisht me opozitën, edhe për shkak të konteksteve të jetës së saj private. /tesheshi.com/
