Një ditë pas bërjes funksionale të Gjykatës së re Kushtetuese, e kjo pas tre vitesh pa këtë gjykatë, presidenti Meta bëri një diversion duke ia atribuuar meritën politikës gjermane dhe injoruar kësisoj dy investitorët kryesorë të Reformës në Drejtësi, të cilat e kanë shpallur atë si “armik” të kësaj reforme, SHBA dhe BE.
“Dua të falenderoj Bundestagun që vendosi si kusht bërjen funksionale të Gjykatës Kushtetuese. Është një proces që vazhdon por mbi të gjitha ne duhet të monitorojmë funksionimin e saj në të ardhmen”, tha Meta.
Kështu, ai anashkaloi, apo injoroi protagonizmin e dyshes Kim-Soreca për ribërjen e Kushtetueses brenda 31 dhjetorit të këtij viti, vënë si afat përfundimtar.
Nga ana tjetër, Meta vlerësoi vendimin e Kushtetueses së Kosovës që cilësoi si ilegjitime qeverinë “Hoti”, e kjo për shkak të votës së një deputeti, duke dhënë të kuptuar se dhe Kushtetuesja e re shqiptare duhet të bëjë të njëjtën gjë për zgjedhjet lokale 2019, të cilat opozita i bojkoto.
“Në Kosovë pati një zhvillim shumë interesant”, tha Meta. /tesheshi.com/
