Tre vite më parë, ai do “tundte dynjanë” për një atentat ndaj tij me udhërues vetë kreun e Kuvendit Ilir Meta, por një ditë më parë janë ulur afër njëri-tjetrit në një gosti të hareshme. Bëhet fjalë për Tom Doshin, deputetin që përfundoi dhe në dyer gjykatash për të sqaruar rastin, që më vonë rezultoi si një akuzë e sajuar.
Që të dy, Doshi e Meta kanë qenë bashkë në festimin e 90-vjetorit të Kardinalit dom Ernest Troshani në Firence të Italisë; Doshi me statusin e njeriut të gjakur me klerikun e lartë katolik, e Meta thjesht si president, si promovues dhe vlerësues i vlerave të kombit.
Kur Doshi akuzoi Metën se donte të vriste, u trazua e gjithë politika, pasi opozita kërkoi deri largimin e kreut të Kuvendit. Ndërsa sot diçka e tillë është fashitur e dalë krejtësisht nga fokusi politik. /tesheshi.com/
