Zbulohen ditën e sotme prapaskenat e përplasjes brenda mazhorancës, e cila nuk arriti të miratojë në Kuvend dy ligje që kërkonin 84 vota. Dy aleatët kryesorë të Partisë Socialiste: LSI-ja dhe PDIU-ja nuk kanë pranuar të votojnë ndryshimet në Kodin Penal për evazorët fiskalë.
Pas takimit Rama-Meta, një nga pjesëtarët e tjerë të mazhorancës, PDIU ka kundërshtuar ligjin e paraqitur në Kuvend, në të cilin përfshihet që evazioni fiskal bëhet vepër penale dhe dënouet me burg.
Shpëtim Idrizi, kryetari i PDIU-së ka zhvilluar një takim me kreun e Kuvendit Ilir Meta dhe ka lëshuar kundërshtimin e forte.
“Jemi kundra burgosjes së biznesit është një akt i pa precedent. Ndryshimet në Kodin Penal që kanë të bëjnë me burgosjen e biznesit nuk do të votohen nga PDIU. Do kërkojmë që pjesë e paketës së dekriminalizimit t’i bashkohet dekomunistizimi“, tha Idrizi.
Ditën e djeshme ka dështuar në Kuvend votimi i dy ligjeve të rëndësishme që kërkonin 84 vota, gjë që zvarritet prej javësh.
/tesheshi.com/
