Ilir Meta dënon me pezullim Erjon Braçen dhe dy deputetë të PD-së për sherrin që bënë javën e shkuar në Kuvend, ndërsa
Ish-kryeministrit Berisha i ka dhënë vetëm një vërejtje.
Byroja e Kuvendit marrë vendim disiplinor për debatin mes Erjon Braçes dhe deputetëve të PD-së, i cili gati degradoi në përplasje fizike.
PD kërkoi të pezullohej Braçe me 10 ditë, ndërsa PS-ja kërkoi po 10 ditë pezullim por për deputetët demokratë Sali Berisha, Edi Paloka, Arben Ristani dhe Roland Keta.
Në përfundim, Byroja ka dalë me një vendim të mesëm duke dënuar me nga 5 ditë pezullim të gjithë protagonistët e zënkës në seancën e së enjtes së shkuar, përveç njërit; Sali Berishës i cili shpëtoi paq vetëm me një vërejtje.
Vendimi është pritur me tërsëllim nga kryetari i Komisionit të Ekonomisë.
“Ky vendim fal atë që shan, prish seancat dhe vret”. Në Kuvend është instaluar një regjim i dhunshëm.
Unë nuk jam brenda mazhorancës për të pranuar çdo lloj vendimi. Ky i sotmi është i padrejtë. Berisha nuk ka kurajo të përballet në gjykatë për akuzat që bën. Kam 20 vjet që e duroj të njëjtin fjalor në sallën e Parlamentit”, tha Braçe.
/tesheshi.com/
