Presidenti Meta dekretoi shkarkimin e ministrave, pas listës së Ramës me emra që do largohen nga qeveria për t’u zëvëndësuar me të tjerë.
Fjala është zv/kryeministren Senida Mesi, për Ditmir Bushatin e Diplomacisë, për Lindita Nikollën e Arsimit, Niko Peleshin e Bujqësisë, Mirela Kumbaron e Kulturës, Damian Gjiknurin e Infrastrukturës dhe Energjitikës, Arben Ahmetajn e Ekonomisë dhe Financës, si dhe Sonila Qaton e Sipërmarrjes.
Megjithatë, ekziston një “ankth” politik për procesin pasues, atë të dekretimit të emrave të rinj. Mes tyre është dhe Genti Cakaj, djaloshi kosovar që do jetë në krye të Diplomacisë shqiptare, për të cilin ka patur një debat këto ditë, deri në thirrje për të mos e dekretuar.
Javë më parë, kreu i shtetit nuk pranoi të dekretonte ministrin e ri të Rendit, Sandër Lleshajn, një akt i pastër politik siç u provua në kohë. A do ta bëjë këtë dhe me emrat e rinj? Mundet, duke patur parasysh faktin se ka nisur të japë shenja të qarta të një qëndrimi opozitar ndaj Ramës, ngjashëm si Nishani para tij.
Dekretimet e Metës sipas afatit kushtetues, priten të mbyllen brenda 7 ditësh.
Më pas i vjen radha votimit në parlament, planifikuar për më 21 janar. /tesheshi.com/
