Një fronti i ri lufte politike është ndezur, ai mes Bashës dhe Metës.
Ky i fundit, pa u kujdesur fare të mos e dekonspirojë veten lidhur me aktin e anullimit të zgjedhjeve të 30 qershorit 2019, ndjerë i sulmuar nga Basha, ka thënë se vendimi është marrë në Gjermani, pasi i është lutur ai.
“Basha ju lut presidentit në Gjermani duke ju përgjëruar me lot në sy që presidenti të shtynte zgjedhjet dhe të anulonte protestën (8 qershor), kjo sepse sipas Bashës, protesta që vetë Basha kishte organizuar, do të degradonte në dhunën dhe se ai nuk e kontrollonte dot. Do të ishte përgjegjësi për të gjitha pasojat e dhunës”, tha Meta në një deklaratë.
Paralel, Basha tha se “nuk i kemi asnjë borxh Ilir Metës” dhe
se “gjithsecilit i kemi dhënë atë që meriton”, apo se “demokratët ia njohin bëmat”, të gjitha këto gjatë një interviste për Vizion Plus.
“As unë dhe as demokratët nuk i kemi asnjë borxh Ilir Metës, dhe nuk ia zgjidhim dot hallet. Demokratët ia njohim bëmat Metës. I kërkoj ndjesë demokratëve që nuk e kemi dëgjuar më mirë zërin e tyre”, deklaroi Basha.
Po pse Basha po hap një front të ri përplasjeje politike, e këtë me Metën, pasi guxoi t’i rebelohej dhe Berishës?
Edhe kjo është një përpjekje për krijimin e një profili të munguar deri më sot. Basha tashmë po tenton të ndjell perceptimin publik se i një risi përballë të vjetrës në politikën (trekëndëshi i Bermudës: Berisha – Rama – Meta). /tesheshi.com/
