S’e kish bërë kurrë më parë, as ai e asnjë president para tj. Meta ka “ndërhyrë” dhe për një ngjarje nga rendi, atë që ndodhi në Kavajë, ku si pasojë e një përplasje me armë mes të rinjsh, humbi jetën një kalimtar e u plagosën shtatë të tjerë.
Dhe, nën ethet e një protagonizmi politik në përplasje me mazhorancën dhe kreun e saj Rama, presidenti e ka parë të udhës të jetë “prezent” dhe në këtë zhvillim.
“Presidenti i Republikës Ilir Meta shpreh shqetësimin e thellë për ngjarjen tepër të rëndë dhe tragjike, të ndodhur sot në qytetin e Kavajës, ku një qytetar i pafajshëm humbi jetën dhe disa qytetarë të tjerë u plagosën.
Presidenti Meta pati një bisedë telefonike me Kryetarin e Bashkisë së Kavajës, z.Isa Sakja dhe i kërkoi t’i përcjellë ngushëllimet dhe solidaritetin e Tij më të sinqertë të afërmve dhe familjarëve të qytetarit që humbi jetën, si dhe u uron shërim të shpejtë të gjithë të plagosurve.
Presidenti Meta kërkon nisjen e menjëhershme të hetimeve për këtë ngjarje të rëndë, zbardhjen e shpejtë dhe të plotë të saj, si dhe vënien para përgjegjësisë të autorëve.
Presidenti Meta thekson domosdoshmërinë e rritjes së gatishmërisë së Policisë së Shtetit dhe agjencive ligjzbatuese, për të marrë të gjitha masat e duhura për garantimin e sigurisë publike në vend dhe parandaluar përsëritjen e ngjarjeve të tilla kaq të rënda e tragjike”, thuhet në një deklaratë të Presidencës.
Shqipëria ka njohur dhe ngjarje më të rënda rendi, por në asnjë rast presidenti nuk është shprehur me deklarata, aq më tepër kur është fjala për ngjarjeme sfond ordiner e jo politik. /tesheshi.com/
