Kryetari i Kuvendit Ilir Meta, mendon se rol vendimtar për konsensusin nuk kanë pasur ambasadorët Donald Lu dhe Romana Vllahutin, por eurodeputetët Eduard Kukan dhe Knut Fleckenstein.
Këtë e bën të ditur vetë Meta në një bisedë telefonike me dy raportuesit për Shqipërinë në PE, bisedë që e sjell zyra e shtypit të Kuvendit.
“Roli i Kukan dhe Partisë Popullore Europiane është shumë i rëndësishëm. Konsensusi është vendimtar për suksesin e reformës në drejtësi”, shprehet Meta ndër të tjera gjatë bisedës me eurodeputetn sllovak..
Ndërsa nga ana e tij eurodeputeti e ka falenderuar Ilir Metën për konsensusin e arritur për miratimin e reformës në drejtësi.
Gjithashtu, Meta zhvilloi një bisedë telefonike edhe me eurodeputetin Knut Fleckenstein, duke e vlerësuar rolin e eurodeputetin si vendimtar për arritjen e konsensusit. “Roli juaj ka qenë vendimtar për konsensusin. Mirënjohje për përkushtimin tuaj”, tha. Meta.
Eurodeputeti Fleckenstein u shpreh se Shqipëria ka tashmë një perspektivë evropiane të qartë. /tesheshi.com/
