Lojtari me origjinë turke i kombetares gjermane, Mesud Ozil është shënjestruar së fundi nga shumë kritika, të ardhura nga tifozë apo dhe zëra të tjera të shoqërisë gjermane, siç ka qenë ajo për një pozim me presidentin Erdogan.
Megjithatë ai ka heshtur duke treguar shpërfillja ndaj tyre. Ama ka zgjedhur të flasë vetëm për rastin kur është akuzuar se gjatë himnit, pra atij gjerman, ai nuk reagon siç të gjithë të tjerët në skuadër.
“Kur intepretohet himni kombëtar, unë nis të lutem dhe kjo më jep një përqëndrim të madh shpirtëror dhe më forcon në rrugën drejt fitores”, i tha Ozil gazetës gjermane Der Westen.
Polemikat më të fundit i provokoi ish-lojtari i kombëtares Luther Matthaus, i cili tha se “Ozil luan pa zemër dhe pa pasion për ekipin kombëtar gjerman, duke dhënë përshtypjen se ai nuk mban të veshur uniformën gjermane”.
Por përgjigja që morri qe kjo, thënë nga një gazetar:
“Si është e mundur që një lojtar i cili ka luajtur 90 ndeshje ndërkombëtare për Gjermaninë dhe ka shënuar 23 gola, ka fituar Kupën e Botës me Gjermania dhe tri herë ka luajtur gjysmëfinale, nuk nuk i pëlqenka fanella gjermane?”. /tesheshi.com/
