Lionel Messi, 36 vjeç, nënshkroi për Inter Miami si agjent i lirë këtë verë, duke shënuar 11 gola deri më tanu në 12 ndeshje, si dhe duke dhënë asiste për pesë gola.
Edhe pse është në fund të karrierës së tij, argjentinasi fantastik nuk po mendon për pension.
Në një intervistë për TyC Sports, ai tha se dëshiron të luajë për Newell’s Old Boys, një klub argjentinas me të cilin ai nuk luajti dot, pasi u largua në Barcelonë në moshën 14-vjeçare. Në klubin katalanas, ai u bë, sipas shumë njerëzve, futbollisti më i mirë në histori.
“Gjithmonë kam menduar për një ide, e ajo është të shijoj futbollin argjentinas duke luajtur, si kampion bote, për Newell’s”, tha Messi, duke shtuar se as që e mendon fundin e karrierës së tij.
“Nuk mendoj se çfarë do të bëj pas karrierës sime. Dua të bëj atë që më pëlqen. Nuk mendoj për të ardhmen. Do ta shijoj sa më shumë të tashmen. Më pëlqen të luaj futboll”, shtoi fituesi i shtatë çmimeve të Topit të Artë për lojtarin më të mirë në botë.
Kontrata e Messit me Miami është deri në verën e vitit 2025.
Gjatë karrierës së tij të pasur, ai fitoi 35 trofe me Barcelonën, tre me PSG dhe një me Miami. Me Argjentinën u shpall kampion bote në Katar, si dhe fitoi edhe Kupën e Amerikës. /tesheshi.com/
