Presidenti i Fenerbahçes, Ali Koc, ka konfirmuar se Arda Guler do të largohet nga klubi këtë verë pas raportimeve se Real Madridi është afër nënshkrimit të tij, raporton Goal.
Real Madridi dhe Barcelona ishin në garë për nënshkrimin me mesfushorin turk që është quajtur “Messi turk”.
Megjithatë, këtë javë u raportua se Real Madrid arriti të sigurojë nënshkrimin e tij dhe se së shpejti do ta konfirmojnë ardhjen e tij.
Guler iu bashkua sistemit të të rinjve të Fenerbahçes katër vjet më parë, ku u bë një lojtar kyç, që kur bëri debutimin e tij në 2021.
Në sezonin e fundit, ai bëri 35 paraqitje për gjigantët turq dhe gjashtë herë arriti në rrjetë. /tesheshi.com/
