Lionel Messi bëhet “lojtar i lirë” në fund të sezonit.
Spekulimet për vazhdimin e karrierës vërshojnë në media, të cilat e zhvendosin në Arabinë Saudite, ku Al Hilal i ofron 400 milionë euro për një vit.
Messi ka një ofertë edhe nga MLS-në amerikane, nga ku ka një telefonatë nga David Beckham dhe Inter Miami.
Megjithatë, tifozët janë më të interesuar të shkruajnë për rikthimin e tij romantik në Barcelonë, por ekziston edhe mundësia e qëndrimit në Paris Saint-Germain.
Bashkë me këtë mundësi vjen edhe kërkesa për rritje rroge, sipas mediave franceze. Këtë sezon, Messi shënoi 15 gola dhe asistoi 15 herë të tjera në 27 ndeshjet e luajtura në kampionatin francez, dhe me një vlerësim mesatar prej 8.20 sipas SofaScore, ai është lojtari më i mirë në Ligue 1.
Problemet me zgjatjen e kontratës së tij u ngritën pas Kupës së Botës në Katar, ku Messi dhe Argjentina fituan trofeun e madh, sipas Le Parisien.
Messi erdhi në klub me një kërkesë për rritjen e pagës si kusht për vazhdimin e bashkëpunimit, por PSG nuk pajtohet me këtë, duke thënë se është i gatshëm të vazhdojë kontratën me kushtet që ka aktualisht. Messi fiton rreth 40 milionë euro në sezon.
Gjithashtu, Messi dëshiron të dijë se si do të duket skuadra vitin e ardhshëm dhe kush do ta drejtojë atë në vend të Christophe Galtier. /tesheshi.com/
