Edhe pse pa trofe prej vitesh, së paku në Europë, madje as në shkëlqim, Leo Messi ka fituar për të 7-ën herë Topin e Artë, tashmë që luan për PSG-në e jo për Barcelonën, te e cila fitoi 6 trofe
“Është e pabesueshme që jam sërish këtu. Para dy vitesh thashë që këto janë vitet e mia të fundit të karrierës dhe tani jam përsëri këtu. Jam shumë i lumtur dhe me dëshirë për të përballuar sfida të reja”, tha “pleshti” gjysmëeuropian e gjysmëargjentinas
Duke u habitur dhe vetë se pse iu dha ky Top i Artë, ai gjeti një mënyrë për ta përligjur:
“Dua të falënderoj shokët e mi te Barcelona, te PSG, por veçanërisht shokët te kombëtarja argjentinase. Më mungonte diçka dhe këtë vit arrita ta fitoj (trofeu i parë me Argjentinën).
Ky Top i Artë vjen për mua për shkak të asaj që arritëm së bashku me Argjentinën, kështu që ia dedikoj shokëve të kombëtares”.
Por gjithsesi, Messi u tregua modest, xhentëllmen dhe realist kur pranoi se çmimi duhej t’i kishte shkuar polakut të sulmit bavarez.
“Është nder i madh për mua që konkurrova me Robertin (Lewandowskin) Vitin e kaluar ti ishe fituesi i këtij çmimi dhe mendoj se duhet të ta jepnin”. /tesheshi.com/
