Fotografia e pesëvjeçarit afgan Murtaza Ahmadi do të bënte xhiron e botës një muaj më parë. Arsyeja qe një qese plastike e kthyer në bluzë dhe e veshur nga Ahmadi, ku shquhej numri 10 e qe shkruar Messi. Qeses i qenë dhënë po ashtu ngjyrat e bluzës së kombëtares së Argjentinës, të imituara aq sa kishte qenë e mundur.
Pa kaluar shumë kohë, Ahmadi i është gëzuar një bluze të vërtetë të Argjentinës, të dërguar nga vetë
Lionel Messi. Bashkë me të, ai ka marrë dhe një bluzë të Barcelonës, si dhe një top futbolli. Pos kësaj, në bluzën e Argjentinës ka një mesazh të shkruar nga Messi.
“E dua Messin, dhe bluza ime thotë se Messi më do mua,” kanë qenë fjalët e afganit pesëvjeçar.
Murtaza Ahmadi do të ketë mundësi tani ta zëvendësojë topin e volejbollit me atë të futbollit për të luajtur, një dhuratë e dërguar nga futbollisti më i mirë i botës. /tesheshi.com/
