Lionel Messi ia ka kaluar Cristiano Ronaldo si përfituesi më i madh financiar në futbollin botëror ndërsa Jose Mourinho kryeson listën e trajnerëve, sipas revistës France Football.
Sulmuesi i Barcelonës është në avantazh me shifrat e sezonit aktual, duke tërhequr 126 milionë euro pagë, shpërblime dhe të ardhura komerciale, ndërsa rivali i tij i madh i Real Madridit po bën 94 milionë euro.
Sipas një përllogaritjeje të ndeshjeve të luajtura në të gjithë kompeticionet spanjolle, Mesi ka fituar 30 mijë euro në minutë.
Sezonin e kaluar, ‘CR7’ kryesoi me 87.5 milionë euro ndaj Messi-t me 76.5 milionë euro. Ata janë pasuar nga ylli brazilian i Paris Saint-Germain, Neymar në 81.5 milionë euro.
Ndërsa te trajnerët, Mourinho i Manchester United mbetet fituesi më i madh me 26 milionë euro.
E pason Marcello Lippi i ITA-s (Kinë me 23 milionë euro, pasuar nga Diego Simeone në Atletico Madrid me 22, Zinedine Zidane i Real Madrid me 21 dhe Pep Guardiola i Manchester City me 20 milion euro. /tesheshi.com/
