Lëndimi i ndjenjave, zemërimi dhe zhgënjimi luajnë rol të rëndësishëm mbi trupin dhe shëndetin tuaj mendor. Dhe falja është një lloj i mbrojtjes nga gjitha këto sulme.
Sipas një studimi të vitit 2016 në gazetën e psikologjisë së shëndetit (Journal of Health Psychology), edhe në qoftë se jeta juaj ka qenë e vështirë, falja mund të ndihmojë t’ju vë në të njëjtën fushë me njerëz të cilët nuk kanë pasur edhe aq shumë probleme gjatë jetës. Studimi ishte i vogël, dhe nuk shpjegon se si funksionon falja për të qetësuar trupin tuaj, por mesazhi është shumë shpresëdhënës.
Hulumtuesit kishin kërkuar nga 148 të rinj të plotësojnë pyetësorët për të vlerësuar nivelin e tyre të stresit gjatë jetës, tendencën e tyre për të falur dhe shëndetin e tyre mendor dhe fizik. Njerëzit të cilët kanë përjetuar më shumë goditje të rënda gjatë jetës kanë rezultuar me më shumë probleme shëndetësore. Megjithatë, autori i studimit Loren Toussaint, një profesor i psikologjisë në Kolegjin Luter në Iowa, zbuloi se personat të cilët falin, arrijnë të fshijnë lidhjen në mes stresit dhe sëmundjes.
Kjo mund të jetë për shkak se njerëzit falës adaptojnë aftësi më të mira përshtatëse kur ata ndjehen të stresuar, apo për shkak se trupi i tyre në fakt reagon më pak ndaj ngjarjes negative.
“Është një një barrë e madhe fizike në momentin kur jemi të lënduar dhe të zhgënjyer”, thotë Karen Swartz, M.D., drejtor në klinikën për konsultim në lidhje me çrregullimet e disponimit në spitalin The Johns Hospital. Zemërimi kronik ndikon në ritmin e zemrës, shtypjen e gjakut dhe përgjigjen imune dhe gjitha këto reagime trupore ushqejnë depresion, sëmundje të zemrës dhe diabetit, në mesin e sëmundjeve të tjera.
Frederic Luskin, Ph.D., drejtor i Projektit për Falje në Universitetin e Stanfordit, njofton se pas trajnimit të faljes, simptomat depresive kanë rënë 40 për qind në mesin e një grupi protestant dhe katolik nga Irlanda e Veriut të cilët kishin humbur një anëtar të familjes gjatë dhunës atje.
Falja nuk do të thotë të miratosh, të harrosh, ose të justifikosh sjelljen e keqe, apo refuzimin ose minimizimin e ndjenjave tuaja. Kjo thjesht do të thotë që ju nuk do të ndaleni në ato ndjenja.
Trajnimi i faljes mund të ulë shtypjen e gjakut te njerëzit që kanë prirje për t’u zemëruar, tregon një hulumtim. Pas trajnimit, “njerëzit kanë raportuar se kanë nevojë për më pak ilaçe”, thotë Schwartz. “Ata raportojnë se kanë gjumë më të mirë. Ato raportojnë fizikisht ndihen më mirë dhe që ka më pak ankesa fizike”
Si përfundim, çelësi është te mendimi pozitiv, në të kundërtën mendimet negative çojnë te tendosja e trupit dhe një zinxhir pasojash tjera organike të dëmshme për organizmin. /tesheshi.com/
