Mesila Doda, ish-deputete e PDIU-së, ka reaguar përmes një komenti në rrjetet sociale në lidhje me deklaratat e presidentit grek, sipas të cilit rruga e Shqipërisë drejt BE kushtëzohet nga respektimi i minoriteteve.
“S’keni parë gjë akoma…
Për këtë kam këmbëngulur se PDIU edhe sikur të mos ekzistonte do duhej të krijohej 10, 100, 1000 herë…
Tash që politikanët e Tiranës i lanë duart e kanë heshtur si fija e barit për çështjen çame, askush nuk guxon ti pervishet këtyre pasardhësve të Zervës. i kërkojnë Shqipërisë respektimin e të drejtave të njeriut dhe vetë flenë mbi femijët e pleqtë e vrarë, në shtëpitë e grabitura, në pronat e dhunuara, mbi varret e paemër…
Jemi në një moment të rrezikshëm të historisë sonë. Të marrët, afruan PDIU-në si flinë e paqtimit… por greket po i kërkojne kusurin.
Për fat të keq po behemi dëshmitarë të rritjes së një aktiviteti antishqiptar në rajon, e tash nuk i duket se kanë më pengesa.
E sigurtë është që koha nuk do ecë bashkë me dëshirat për pushtet e intrigë… akoma më e sigurtë është që këtë vend mund ta shpëtojnë vetëm njerëz të vërtetë, me dëshirë e përkushtim, jo për pushtet, por për Atdhe”, shkruan Mesila Doda. /tesheshi.com/
