Nëse numri i spermatozoideve të një mashkulli është më pak se 20 milionë për mililitër, ai konsiderohet në rrezik për të qenë jopjellor. Lajmi është bërë i ditur nga Organizata Botërore të Shëndetësisë (OBSH).
Numri i ulët i spermatozoideve, i njohur ndryshe si oligospermia, është një nga shkaqet më të shpeshta të infertilitetit mashkullor. Janë disa faktorët që mund të zvogëlojnë numrin e spematozideve, por shkaku më i shpeshtë dhe më i parandalueshëm është ekspozimi ndaj nxehtësisë së tepruar.
Studiuesit kanë zbuluar se arsyeja pse testikujt e një njeriu ndodhen jashtë trupit dhe jo brenda sikurse vezoret, është për shkak se temperatura ideale për prodhimin e spermës është tre deri në katër gradë nën temperaturën normale trupore.
Çdo rritje temperature prej një gradë e ul numrin e spermatozoideve në 40 për qind.
Mënyra më e mirë për meshkujt që të ruajnë shëndetin e farës së tyre është që të ekspozohen sa më pak ndaj nxehtësisë, të veshin të brendshme të rehatshme, të freskohen gjatë verës nga temperaturat e larta, të ushqehen mirë, dhe të mos qëndrojnë ulur me orë të tëra./tesheshi.com/
