Ndërkohë që opozita po forcon mesazhet drejt mosnjohjes së zgjedhjeve të 25 prillit, me pretendimin se ishin të blera, kanë ardhur dy mesazhe të forta amerikane paralel me njëra-tjetrën.
Në fillim është Departamentit i Shtetit që nuk lë asnjë ekuivok kur shkruan:
“SHBA përgëzon popullin e Shqipërisë për zgjedhjet e tyre të fundit. Ne shpresojmë të vazhdojmë partneritetin tonë të ngushtë me Kryeministrin Rama dhe të përgëzojmë fushatën e fortë të opozitës. Respektimi i rezultateve të zgjedhjeve legjitime forcon demokracinë e Shqipërisë”.
Në të njëjtën kohë është ambasadorja Kim që shkruan:
“Ne e përgëzojmë kryeministrin dhe Partinë Socialiste në fitoren e tyre elektorale.
Ne gjithashtu përgëzojmë Kryetarin e PD-së Lulzim Basha për udhëheqjen e një fushate të fortë që u dha zë shumëkujt & frymëzoi shpresë.
Më e rëndësishmja, ne e përgëzojmë popullin shqiptar, i cili foli qartë.
Duke njohur rezultatet e këtyre zgjedhjeve dhe duke bashkëpunuar me njëri-tjetrin, udhëheqësit do të veprojnë me përgjegjësi për të mirën e popullit shqiptar.
Ne shpresojmë të punojmë me Shqipërinë për të forcuar më tej bashkëpunimin mbi demokracinë, mbrojtjen dhe biznesin.
Ne përsërisim që zbatimi i ligjit dhe gjyqësori duhet të ndjekin penalisht cilindo që shkel ligjin dhe pengon të drejtën e qytetarëve për të votuar lirshëm dhe në paqe”.
Ky reagim me “goditje të përëndruar” nga SHBA vjen fill pas një mesazhi të ashpër e përbetues të ish-kryeminstrit Berisha, njëherësh i konsideruar kryetar de facto i PD-së, për mos njohje zgjedhjesh.
Kështu, SHBA e bën të qartë qëndrim e saj, duke e bërë më të vështirë për Bashën që të vijojë pretendimet e tij deri në pikën e mosnjohjes së zgjedhjeve. /tesheshi.com/
