Presidenti turk Rexhep Tajip Erdogan, tha se sot vendi i tij është ekonomikisht, diplomatikisht dhe në çdo drejtim shumë më i fortë dhe më i aftë se 28 vjet më parë dhe tha se Turqia nuk do të lejojë vuajtje si gjenocidi në Srebrenica.
Në një video-mesazh, Erdogan iu drejtua pjesëmarrësve të përkujtimit me rastin e 28-vjetorit të gjenocidit serb në Srebrenicë dhe bëri homazhe për viktimat.
Ai tha se ky gjenocid është një njollë e zezë në historinë e njerëzimit.
“Në këtë ditë zie, edhe një herë shpreh ngushëllimet e mia të sinqerta për familjet e viktimave të dëshmorëve tanë dhe për të gjithë vëllezërit tanë boshnjakë. Kemi parasysh urtësinë dhe të vërtetën e hidhur të thënies së të ndjerit Alija: ‘Çfarëdo që të bësh, mos e harro gjenocidin, se gjenocidi i harruar do të përsëritet’.
Për të mos përjetuar më krime të ngjashme, ne kurrë nuk do ta harrojmë Srebrenicën dhe nuk do të lejojmë kurrë të harrohet. Plaga që na shkaktoi në zemrat tona nga gjenocidi i kryer në Srebrenicë para syve të gjithë botës rrjedh gjak prej 28 vitesh. Me secilin prej dëshmorëve tanë që kemi varrosur, ne i rijetojmë ato ditë, i kujtojmë përsëri, derdhim përsëri lot. Sot ne dërgojmë 30 dëshmorë tanë në vendpushimet e përjetshme. U prehshin në paqe shpirtrat e dëshmorëve tanë. Zoti i nderoftë të gjithë dëshmorët tanë me bukuritë qiellore”, tha Erdogan.
Erdogan tha se pavarësisht vendimeve të gjykatës ndërkombëtare, ka ende nga ata që mohojnë gjenocidin në Bosnje, nga ata që thonë se nuk pendohen për krimet e kryera dhe nga ata që mbështesin njerëz të tillë.
Erdogan tha se i urren njerëz të tillë të paskrupull dhe deklaratat e tyre të paskrupullta.
Ai theksoi se gjuha e urrejtjes duhet lënë pas dhe duhet promovuar një kulturë paqeje, tolerance dhe pajtimi në mënyrë që vuajtjet në Bosnje të mos përsëriten më kurrë.
Më tej Erdogan tha se Turqia do të vazhdojë të punojë për të ruajtur paqen dhe stabilitetin në Ballkan.
“Nuk duhet të harrojmë se stabiliteti i Bosnjës është çelësi i stabilitetit të Ballkanit dhe Evropës. Turqia do të vazhdojë të bëjë pjesën e saj për ta transformuar Bosnjën në një oaz stabiliteti, paqeje dhe prosperiteti. Sot, krahasuar me 28 vjet më parë, kemi një Turqi ekonomikisht, diplomatikisht dhe sigurisht shumë më të fortë dhe më prestigjioze. Si vend, ne nuk do të lejojmë kurrë të përsëriten vuajtjet që përjetuam këtu.
Ne do të mbrojmë gjithmonë pavarësinë, sovranitetin dhe integritetin territorial të Bosnjës. Pres që të jeni të qetë. Zoti i mëshiroftë dëshmorët tanë të Srebrenicës!”, tha Erdogan.
Nemamo od koga drugog očekivati podršku. pic.twitter.com/GLHG7UhfKA
— Nedim
(@dimNe_) July 11, 2023
