Një mësim jete nga skena e MTV Video Music Awards. Rrallë ndodh kjo në një skenë ku parakalojnë njerëz më të famshëm të planetit, por këngëtarja Pink ka sjellë një mesazh prekës për çdo grua e çdo vajzë duke iu drejtuar vajzës së saj të vogël.
Pink, e cila me krenari kaloi mbi qilimin e kuq të VMA-s me vajzën e saj 6-vjeçare, Willow, të dyja veshur me veshje për meshkuj, e pranoi trofeun duke iu drejtuar të bijës, e cila ngacmohej shpesh në shkollë si “e shëmtuar”.
“Ajo më tha: Mama, unë jam vajza më e shëmtuar që unë njoh dhe unë i thashë, Çfarë? “Po, unë dukem si një djalë me flokë të gjatë”. Në një moment mendova: ‘Oh Zoti im, je vetëm 6 vjeç. Pse? Nga vjen kjo? Kush ta tha këtë? … Por unë nuk i thashë asgjë. Në vend të kësaj, unë shkova në shtëpi, dhe bëra një prezantim Powerpoint për të mbi jetën dhe të vërtetën e disa prej yjeve të rrokut”.
Por kur vajza ime ende u ankua se “dukem si një djalë”, Pink i tregoi historinë e saj.
“Kur njerëzit tallen me mua, ata thonë se unë dukem si një djalë, ose unë jam shumë mashkullore, se i kam flokët e shkurtër apo se trupi im është shumë i fortë”.
Dhe unë i thashë asaj: “A po sheh se unë po i rris flokët? A sheh se unë po mundohem të ndryshoj trupin tim? A po sheh se kam ndryshuar mënyrën se si unë ia paraqes veten time botës? A po sheh se si po dal në skena në mbarë botën? Pra, vajzë e vogël, ne nuk ndryshojmë. Ne marrim guackën dhe bëjmë një margaritar. Ti je shumë e bukur!”
Mesazhi i Pink preku zemrat e të gjithë në sallë dhe u prit me një buzëqeshje të lumtur nga e bija./tesheshi.com/
