Një prej mjekëve që përballet çdo ditë me tmerret e Sirisë, ka rrëfyer në pak rreshta një nga përvojat e tij më të trishta në këtë botë: t`i kumton një nëne lajmin se fëmija nuk jeton. Kjo, pas një përpjekjeje të stërmundimshme profesionale për ta mbajtur në jetë.
Dr.Shajul Islam ka vendosur ta ndajë me mbarë opinionin atë që ka ndjerë pas vdekjes së një vajze 6-vjeçare, ndërkohë që e ëma priste me shpresë se ajo do mund të jetonte. Dhe në faqen e tij zyrtare, doktori ka përshkruar shkurt nën një dëshpërim të thellë atë që askush në fakt nuk do ta dëshironte si fat.
Dhe ky episod, përbën një ndër treguesit më kuptimplotë të ferrit sirian, sidomos atij me emrin Halep.
Postimi i doktorit:
Ky është një nga rastet më të dhembshme me të cilën jam ballafaquar në karrierën time prej mjeku:
Aisha, një vajzë 11-vjeçare. E sollën menjëherë pas një sulmi ajror. Bombardimi kishte dëmtuar telat elektrike dhe ajo ishte goditur pikërisht nga rryma. Nuk jam i sigurt për sa kohë zemra e saj kishte ndal së rrahuri, por unë vërtetë nuk doja që ajo të vdiste.
Personalisht, unë kam një vajzë të vogël; dhe e tëra që më sillej nëpër mendjen time gjatë kohës që po shihja këtë vajzë të gjorë, ishte ishte vajza ime. Pasi i dhamë 7 ampula adrenalinë dhe menjëherë pas masazhit të zemrës, fillova të dëgjoj një impuls të dobët. Por kjo nuk zgjati shumë. Vazhduam të bëjmë reanimimin edhe për rreth një orë. Mjeku tjetër u detyrua të më ndajë nga vogëlushja.
Thjesht nuk doja të shkoja te e ëma e saj dhe t’i kumtoj lajmin se vajza e saj kishte vdekur. Imagjinov sikur të ma kumtonin të njëjtin lajm dhe mua … se sapo humba vajzën time të vetme. Betohem në Allahun, se kjo ishte nga gjërat më të vështira që më duhej të bëja. Me rroba të mbuluara në gjak dhe djersë, po shikoja nënën e voglushes dhe fjalët nuk dilnin dot nga goja ime … në pamundësi të flas, u largova.
Sikur të kishit ndjerë atë që po ndjeja në ato momente. Më sillet pandërprerë në mendjen time dhe jam i sigurt se ky është makthi më i rëndë i çdo prindi. Allahu e pranoftë atë në xhennet. Amin! /tesheshi.com/
