Për futbollistin italian Mario Balotelli është një moment i vështirë. Babai i tij Francesco Balotelli, u nda nga jeta më 3 korrik në Brescia të Italisë, vend ku SuperMario u rrit.
Pas marrjes së lajmit të trishtë ai u kthye menjëherë në Itali, për të përshëndetur njeriun që e priti në shtëpi në moshën 3 vjeçare dhe që i dha mbiemrin e tij.
I shkatërruar nga dhimbja, Balotelli shkruan një mesazh prekës në Instagram lidhur me ikjen e të atit. “Do të rishoh sërish”, shkruan Balo, shoqëruar me një imazh ku shihet deti në horizont.
Francesco dhe Silvia e adoptuan Marion, kur ai ishte ende fëmijë. Futbollisti ishte braktisur në spital nga prindërit biologjikë Thomas dhe Rose Barwuah për shkak të problemeve ekonomike, pas transferimit të familjes nga Palermo drejt Brescias./tesheshi.com/
