Ish-Presidenti amerikan Barak Obama, ka cituar në rrjetin social Twitter një thënie të Nelson Mandelës, si përgjigje ndaj dhunës dhe trazirave në rrugët e Charlottesville, Virginia.
Publikimi i kësaj thënieje është futur në radhën e postimeve më të “pëlqyera” në historinë e këtij rrjeti social.
Si reagim ndaj trazirave të shkaktuara gjatë protestës së grupeve neo-naziste dhe ithtarëve të supremacisë së bardhë në Virxhinia, ish-Presidenti amerikan citoi një mesazh nga autobiografina e Mandelës, “Rruga e gjatë deri te liria”.
“Askush nuk ka lindur me urrejtje ndaj një personi tjetër për shkak të ngjyrës së lëkurës, prejardhjes apo fesë …”, thuhet në citat, të cilit Obama i ka bashkangjitur edhe një fotografi, në të cilin ai paraqitet duke u buzëqeshur fëmijëve të racave të ndryshme.
Brenda dy ditëve, ky mesazh ka grumbulluar 2.4 milionë “pëlqime”. Vetëm mesazhi i shkruar nga këngëtarja Ariana Grande, e publikuar pas sulmit terrorist në koncertin e saj në Mançester, kishte mbledhur më shumë “pëlqime”, një total prej 2.7 milionë. /tesheshi.com/
