Lufta mes Kinës dhe Shteteve të Bashkuara gjatë mandatit të presidentit amerikan Donald Trump “nuk është vetëm një slogan”, por po bëhet një “realitet praktik”, ka paralajmëruar një ushtarak i lartë kinez.
Deklarata e tij është publikuar në faqen e internetit të Ushtrisë Nacionalçlirimtare të Kinës, si përgjigje ndaj retorikës së administratës së re amerikane ndaj Kinës, shkruan Independent.
Siç thuhet, ky është në fakt qëndrimi i Komisionit Qendror Ushtarak kinez, i cili ka kontroll të përgjithshëm mbi ushtrinë kineze.
Një zyrtar i Departamentit dhe Komisionit për Mobilizimin e Mbrojtjes, tha se ” lufta gjatë mandatit të Trumpit” ose “shpërthimi i luftës sonte,” janë jo vetëm slogane, por po bëhen një realitet praktik, ka njoftuar South China Morning Post.
Zyrtari kinez gjithashtu bëri thirrje për përfshirjen e ushtrisë në rajonin e tensionuar të Detit të Kinës Jugore dhe Juglindore, dhe që sistemet e mbrojtjes raketore të mbulojnë gadishullin korean, edhe një pikë vlimi në rajon, thuhet më tutje në gazetë.
“Shtetet e Bashkuara duhet të rishqyrtojnë strategjinë e tyre në rajonin Aziatik-Paqësor”, tha zyrtari kinez.
Presidenti i ri i SHBA-së dhe bashkëpunëtorët e tij më të ngushtë në deklaratat e tyre kanë mbështetur një politikë të ashpër kundër Kinës, dhe Trumpi ka quajtur Kinën “manipulator të monedhës” dhe ka akuzuar atë për tregti të paligjshme.
Sekretari i ri i Shtetit, Rex Tillerson ka argumentuar angazhimin e Marinës së Shteteve të Bashkuara për të bllokuar ishujt artificialë në Detin e Kinës Jugore, veprim ky i cili nga Pekini do të mund të kuptohet si një akt lufte, raportojnë agjencitë. /tesheshi.com/
