Silva Bino nga Instituti i Shëndetit Publik, përcolli një tjetër mesazh ndërgjegjësues për publikun në këto ditë të pazakonta nën kërcënimin e virusit COVID-19.
“Me këtë mesazh dua t’iu drejtohem të gjithë qytetarëve, që të jenë të përgjegjshëm, të qëndrojnë në shtëpi. Nëse kanë shenjën më të vogël respiratore të vetëizolohen, të vetëizolohen dhe nga anëtarët e tjerë të familjes. Të përpiqen që edhe brenda shtëpisë apo kur dalin për nevojat e tyre personale apo të familjes, të ruajnë distancën të paktën 1 metër nga personat e tjerë.
Ruajtja e distancës, vetëizolimi apo vetëkarantina janë mjet shumë i rëndësishëm e cila shpesh herë bie mbi përgjegjësinë e individit, pavarësisht masave të tjera të distancimit sociale që janë marrë në këtë moment. Paniku nuk të çon në asnjë vend.
Qëndrueshmëria, inteligjenca për përballimin e kësaj situate është elementi më i rëndësishëm me të cilin ne duhet të luftojmë”, shkruan ajo.
Sipas znj.Bino, qytetarët vetë kanë shumë në dorë në këtë situatë.
Punonjësit e shëndetit publik, e shërbimit të kujdesit shqndetësor, të spitalit infektiv që po trajtojnë të sëmurët me COVID, janë në vijën e parë të frontit për të ruajtur shëndetin e qytetarëve, por kjo nuk mjafton. Ata duhet të ndihmohen nga vetë qytetarët”, thotë Bino. /tesheshi.com/
