Përfaqësuesja e Bashkimit Evropian në Kosovë, Frederica Mogherini, në një fjalim të mbajtur para deputetëve kosovarë u shpreh e gëzuar që bëri bashkë pozitë e opozitë në Kuvend.
“Mund të llogarisni Bashkimin Evropian, sepse jam e gëzuar sepse udhëheqesit e opozitës janë bashkuar dhe jam e lumtur që vendet e BE-së janë bashkuar”, tha Mogherini.
Ajo tha se Kosova duhet të llogaritë në BE-në dhe në vetë atë, por se duhet punuar bashkarisht për të ecur përpara.
“Edhe më herët e kam përmendur se ju nuk keni hyrë në Evropë, por ju jeni Evropë. Por mos e nënçmoni dhuratën e Bashkimit Evropian, nga ana ime është përkushtim politik, besoj që e njëjta është edhe nga ana juaj. Kosova e bashkuar drejt udhëtimit pa viza ka hapur rrugën që kjo të ndodhe dhe kur them ju referohem kryetarëve të komunave, gjykatave, institucioneve etj. Do të mundohem që BE ta procedoje këtë sa më shpejt që të jetë e mundshme. Propozimi ynë është një përkushtim për liberalizim e vizave. Është një përpjekje që mund të më llogarisni mua. Ky kuvend duhet të punojë shumë, në mënyrë që të punojë drejtë. Në të gjitha rajonet ndërkombëtare, sepse unë e di se çka do të thotë kur të bëhet një demokraci konfidenciale. Mund të llogarisni Bashkimin Evropian, sepse jam e gëzuar, sepse udhëheqësit e opozitës janë bashkuar, dhe jam e lumtur që vendet e BE-së janë bashkuar”, ka thënë Mogherini.
Përfaqësuesja e BE-së para ligjvënësve kosovarë ka folur edhe për marrëveshjen për Asociacionin e Komunave me shumicë serbe që bllokoi për shtatë muaj Kuvendin.
Mogherini tha se Asociacioni nuk do të jetë një qeverisje paralele në Kosovë, dhe se gjithçka do të jetë brenda kornizave qeverisëse dhe ligjore të Kosovës, duke pas për bazë vendimin e Gjykatës Kushtetutës.
“Asociacioni i Komunave do të forcojë Kosovën në shoqëri, do ta bëj një Kosovë më të fuqishme, jo më të dobët”, ka thënë Mogherini.
/tesheshi.com/
