Presidenti serb ka vijuar të vetëshitet si “faktor paqeje e stabiliteti në rajon” pas një takimi në Beograd me dyshen Lajçak-Escobar, pasi këta të fundit lanë pas Prishtinën.
Vuçiç shkroi në Instagram se “Serbia ka qenë një partner konstruktiv, konsistent dhe i besueshëm që nga dita e parë në të gjitha proceset që do të çonin në ruajtjen e stabilitetit të të gjithë rajonit”.
“Unë thashë se është koha që Prishtina përfundimisht t’i përmbushë obligimet e saj dhe mbi të gjitha formimin e Unionit të Komunave Serbe në përputhje me Marrëveshjen e Brukselit.
Dua të besoj se pjesa e bashkësisë ndërkombëtare që ka ndikimin më të madh në Prishtina ka edhe mekanizma që mund të çojnë në realizimin përfundimtar të obligimeve që Prishtina i ka pranuar dhe nënshkruar më shumë se një dekadë më parë”, ka shkruar Vuçiç në postim, duke iu referuar asaj çfarë udhëheqësia kosovare ka firmosur në Bruksel. /tesheshi.com/
