Kreu i Kishës Katolike Romake, Papa Françesku, i cili po viziton Bahreinin, tha se “logjika e armëve duhet të refuzohet” dhe bëri thirrje që “armët të heshtin”.
Ai e bëri deklaratën pas takimit me Mbretin Hamed bin Isa Al Khalifa në Pallatin Sahir në kryeqytetin Manama, njoftoi televizioni shtetëror i Bahreinit, duke cituar Radio Vatikanin.
“Kam ardhur këtu (Bahrein) për të rritur shpresën për paqe dhe për të marrë pjesë në Forumin e Dialogut Lindje-Perëndim, i organizuar në mënyrë që njerëzit të jetojnë në paqe”, tha Papa Françesku, i cili është në vizitën e tij të parë zyrtare në këtë vend arab të Gjirit.
Duke deklaruar se problemet mjedisore janë “urgjente dhe trishtuese”, Papa Françesku tha se duhet të merren masa praktike dhe afatgjata para se të jetë tepër vonë dhe të mos ketë kërcënim për brezat e ardhshëm.
Mbreti Hamad bin Isa Al Khalifa, nga ana tjetër, theksoi se lufta ukrainas-ruse, e cila po vazhdon që nga shkurti, ka ndikuar negativisht në botë në aspektin ekonomik, politik dhe të sigurisë dhe bëri thirrje që lufta të ndalet.
Papa Françesku do të qëndrojë në Bahrein deri më 6 nëntor. /tesheshi.com/
