Këngëtarja shqiptare Orgesa Zaimi është bërë nënë për herë të dytë ne jetën e saj. Ajo ka sjellë në këtë botë përpara pak kohe djalin Kron, pas vajzës Bora. Sot ka vendosur të japë një mesazh sensibilizues për të gjithë femrat shtatzënë.
Ajo fton nënat e reja të ushqehen mirë gjatë shtatzënisë së tyre, pasi trupi dhe fetusi që mbajnë brenda ka nevojë të marrë të gjitha vitaminat e rëndësishme për organizmin. Orgesa thotë se pesha e tepërt e fituar gjatë shtatzënisë mund të hiqet brenda një muaji dhe poston një fotografi me një prej veshjeve që këngëtarja përdorte përpara se të ngelte shtatzënë, e cila i rri shumë mirë edhe tani.
Në të njëjtën kohë, ajo shton se ndërsa pesha hiqet, gjiri nuk ka aftësi të prodhojë qumështin e nevojshëm për fëmijën, gjatë gjithë jetës.
Më poshtë, mesazhi i plotë i Orgesës.
“Kjo s’do të thotë se është ndonjë gjë e mrekullueshme, sot ka shumë presion mediatik apo edhe shoqëror për femrat menjëherë pasi lindin qofshin persona publik ose jo. Ç’është kjo mani kaq e madhe dhe gati gati shantazhuese që menjëherë pasi lind duhet të jesh më e dobët se më parë. Mund t’ju them me bindje se këtë herë të dytë pas lindjes nuk kam ndërmend të strapacohem edhe pse këtë herë kam rënë vetë në mënyrë natyrale në peshë, mbase sepse të kesh dy fëmijë të vegjël të bën të harxhosh shumë energji. Dua t’u them të gjitha femrave që mërziten nëse nuk dobësohen pas lindjes ose kanë merak; Hani çfarë të doni dhe shijojeni këtë periudhë sepse nga pesha bie për një muaj, por qumësht nuk prodhon dot gjithë jetën…Ne sjellim jetë, kemi nevojë për më shumë kile. Fuqia e gruas” /tesheshi.com/
