Kryeministri spanjoll Pedro Sanchez shprehu mbështetjen e pandarë të vendit të tij për Serbinë për çështjen e Kosovës, gjatë takimit të tij në Beograd me presidentin serb Aleksandar Vuçiç.
Siç theksoi Pedro Sánchez, “lidhjet e miqësisë midis Spanjës dhe Serbisë bazohen në qëndrimin e përbashkët mbi nevojën për të respektuar të drejtën ndërkombëtare dhe integritetin territorial dhe sovranitetin e të dy vendeve”.
Kryeministri spanjoll siguroi se Madridi nuk do të rishikojë qëndrimin ndaj Kosovës. “Ne mbështesim Serbinë për çështjen e Kosovës. Spanja ka qenë dhe do të jetë gjithmonë në anën e Serbisë në mbrojtje të autoriteteve dhe gjithmonë do të mbështesë dialogun mes dy palëve”, tha ai.
Kryeministri i Spanjës nisi të premten një turne katërditor në Ballkanin Perëndimor nga Beogradi, gjatë të cilit do të vizitojë edhe Sarajevën, Podgoricën, Shkupin dhe Tiranën.
Prishtina nuk është e përfshirë në stacionet e vizitave të Sanchez-it dhe kjo për shkak se Spanja shmang çdo marrëdhënie me Kosovën, sepse nuk pranon shkëputjen e saj nga Serbia dhe nuk e njeh pavarësinë e saj. Spanja është një nga 5 vendet e BE-së (së bashku me Greqinë, Qipron dhe Rumaninë) që nuk e njeh Kosovën.
Një shpjegim për këtë qëndrim është paralelja që ajo bën mes Kosovës dhe rajonit bask, i cili kërkon shkëputjen nga Spanja.
Kryeministri spanjoll shpjegoi edhe nga Beogradi se qëllimi i turneut të tij është të inkurajojë integrimin evropian të Ballkanit Perëndimor dhe të sigurojë popujt e vendeve të rajonit se Evropa nuk i ka harruar. /tesheshi.com/
