Kryetari i AAK-së, Ramush Haradinaj, në një konferencë për media ka folur lidhur me zhvillimet e djeshme. Ai ka thënë se këmbëngulja e qeverisë për t’ju ikur gabimeve që është Asociacioni e Demarkacioni me përdorimin e metodave të tyre duke shpifur ka krijuar situata të paqena.
“Ne vërtetë i kemi shfrytëzuar të gjithë mekanizmat që i parasheh demokracia për sensibilizim. Janë injoruar gupet parlamentare të opozitës”, ka thënë Haradinaj.
Sipas tij pasojat e marrëveshjeve janë më afatgjata se sa mandati i kësaj qeverie.
“Janë dëme të pa riparueshme nëse fuqizohen. AAK-ja do të vazhdojë në këtë mënyrë bashkë me opozitën. Përballja do të vazhdojë deri në tërheqje të marrëveshjeve ose dorëheqjen e qeverisë. Dje pamë se si mund të sulmohet opozita por nuk pamë që mund të përballen me dëmet që i bëjnë këto marrëveshje”, theksoi Haradinaj.
Ai tha se dje opozita ka treguar sa është e vendosur që këto marrëveshje të mos kalojnë”.
“Në parlament ka pas më shumë policë se deputetë. Kryeministri Mustafa prandaj sot duhet të jap dorëheqje, ose përballja do të vazhdojë në Kuvend – e në rrugë do të ketë protesta”, u shpreh Haradinaj. /tesheshi.com/
