Rezultatet jo të mira që po kalon skuadra nga Mestalla ka detyruar të mblidhen ish-lojtarët e dikurshëm, për t’i dhënë kurajë futbollistëve aktual.
Juan Sanchez, Fernando Gomez Colomer, Miguel Angel Adorno, Valdez, Juan Cruz Sol, Ricardo Arias dhe shumë të tjerë u mblodhën bashkë për të shprehur mbështetjen e plotë ndaj futbollistëve aktual të skuadrës së Valencia-s, me moton “Valencia gjithmonë rikthehet”.
Gjatë konferencës së mbajtur për shtyp, ish-aktorët e dikurshëm të klubit “Los Che”, kanë shprehur bindjen e plotë që skuadra, e cila tani drejtohet nga Gary Neville, do t’i rikthehet rezultateve pozitive, ndërsa shprehin besimin e plotë ndaj trajnerit anglez.
Në duelin e fundit ndaj Barcelonës në shtëpi, në kuadër të duelit kthyes gjysmëfinal të Kupës së Mbretit, në stadium ishin vetëm 16,000 spektatorë, i cili është një numër shumë i vogël që nuk përbën as 20% të kapacitetit të stadiumit.
Këtë fundjavë Valencia luan sërish në shtëpi ndaj një tjetër skuadre katalanase. Espanyol do të rivalizojë “lakuriqët” që kërkojnë mbështetje nga tifozët e tyre për të kaluar këtë situatë aspak të favorshme.
Valencia aktualisht pozicionohet në pozitën 14, të renditjes tabelare me 25 pikë dhe me shumë pak gjasa drejt pozitave që mundësojnë daljen në Europë. /tesheshi.com/
