Videoja, e cila zgjat rreth tre minuta e 30 sekonda dhe data e regjistrimit të së cilës nuk mund të verifikohet, tregon një vajze të re duke folur në hebraisht dhe duke i bërë thirrje qeverisë izraelite të veprojë për lirimin e saj.
Familja e 19-vjeçare izraelite Liri Albagh ka lejuar publikimin e pamjeve të videos, ka njoftuar Forumi i Familjeve, shoqata kryesore e të afërmve të pengjeve të mbajtura në Rripin e Gazës.
“Jam vetëm 19 vjeçe. E kam gjithë jetën përpara, por tani gjithçka është e ngrirë”, thotë Albagh në video, sipas Jerusalem Post. “Ne po fillojmë një vit shumë të errët këtu. Njerëzit kanë filluar të na harrojnë”.
“Nuk është normale kjo që po na bëni”, vijon ajo. “A e dini se si është të jesh në një vend që bombardohet vazhdimisht pa strehë? Unë dua që njerëzit të më kujtojnë mua, të kujtojnë emrin tim”, përfundon ajo, duke theksuar se “e gjitha kjo po ndodh për shkak të qeverisë dhe ushtrisë(izraelite)”.
⚡️BREAKING: Al-Qassam Brigades publishes a new message from an Israeli prisoner, soldier Liri Albag who was captured from the Nahal Oz outpost on 7 October 2023:
"I ask you, government of Israel, I really want to ask you, do you want to kill us?"
A few things she said in the… pic.twitter.com/uQwB4AQbH9
— Suppressed News. (@SuppressedNws) January 4, 2025
Reagimi i familjes së saj
“I bëjmë thirrje kryeministrit, liderëve botërorë dhe të gjithë vendimmarrësve: është koha për të marrë vendime sikur fëmijët tuaj të ishin aty”, tha familja Albagh në një deklaratë.
“Ajo është vetëm disa dhjetëra kilometra larg nesh dhe prej 456 ditësh nuk e sjellim dot në shtëpi”, thotë familja.
Vajza e re u rrëmbye nga Nahal Oz në jug të Izraelit, së bashku me gjashtë femra të tjera ushtare, pesë prej të cilave janë ende në robëri.
Forumi i Familjeve tha në një deklaratë se kjo shenjë e jetës është një “provë e fortë dhe e pamohueshme e nevojës urgjente për të kthyer pengjet në shtëpitë e tyre”.
Kjo video e fundit vjen ndërsa Hamasi njoftoi të premten rifillimin e negociatave indirekte me Izraelin në Doha për një armëpushim në Gaza. Izraeli nuk e ka konfirmuar këtë rifillim.
Që nga fillimi i luftës, është respektuar vetëm një armëpushim njëjavor, në nëntor 2023, gjatë të cilit u liruan 105 pengje dhe u liruan 240 palestinezë të mbajtur në Izrael.
Dhe duhet kuptuar që pengjet civilë, por atyre ushtarakë, nuk janë tërësisht të pafajshëm. Ndryshe, ata janë kolonë, të cilët direkt ose indirekt kanë zaptuar toka, prona e shtëpi palestinezësh të përzënë.
Shumë prej tyre mbajnë dhe armë dhe kanë leje nga qeveria e tyre sioniste, sigurisht pushtuese, që të qëllojnë mbi palestinezët, duke u bërë njësh në krim me qeverinë. /tesheshi.com/
