“Tornado e Trump ka ndryshuar botën në vetëm pak javë,” tha kryeministri hungarez Viktor Orban në një tubim të ekstremit të djathtë Patriots for Europe (PfE) të shtunën, 8 shkurt, në Madrid.
“Dje ishim heretikë, tani jemi kryesorë”, theksoi Orban, siç raportohet nga The New York Times.
Tubimi i fraksionit të ekstremit të djathtë në Parlamentin Evropian, i themeluar vjeshtën e kaluar, u mbajt nën sloganin “Make Europe Great Again”. Ata synojnë të përsërisin “Make America Great Again” të Trump në Evropë, duke përshtatur politikat e përdorura në SHBA dhe Amerikën Latine. Kjo aleancë përbëhet nga Tubimi Kombëtar i Marine Le Pen, Fidesz i Viktor Orban, Lega e Matteo Salvinit, partia e Geert Wilders (Holandë) dhe ish-kryeministri çek Andrej Babiš.
Thirrje për pushtimin e BE-së
Në Parlamentin Evropian, Patriots for Europe ka 86 eurodeputetë dhe është grupi i tretë më i madh pas Partisë Popullore Evropiane (EPP) dhe Socialistëve dhe Demokratëve (S&D), sipas Euronews. Liderët e ekstremit të djathtë theksojnë se kthimi i Donald Trump në Shtëpinë e Bardhë sinjalizon se është koha që Evropa të ndryshojë.
“Ne po jetojmë në një epokë historike dhe mesazhi im për të gjithë liderët e vjetër, nga Macron dhe Scholz te Pedro Sanchez-i juaj – koha juaj ka mbaruar. Ata janë histori,” tha Geert Wilders, kreu i partisë holandeze PVV.
Udhëheqësi i të djathtës ekstreme portugeze Chega tha se ata duhet të bëjnë atë që u tha Trump, të luftojnë. “Ne duhet të ripushtojmë Evropën që është e jona dhe që na përket neve. Evropën e krishterë,” theksoi ai. Për ta, presidenti amerikan theu barrierat e fundit që i mbajtën partitë e tyre në periferi politike. “Tabutë janë thyer”, sipas NYT.
Gjendja e shokut
“Zgjedhja e Donald Trump nuk mund të shihet si një ndryshim i thjeshtë në një vend demokratik”, theksoi Marine Le Pen. “Ne po përballemi me një kthesë të vërtetë globale, të gjithë e kuptojnë se diçka ka ndryshuar, BE-ja duket se është në një gjendje shoku”, tha ajo. PfE pretendon politikania franceze, bazohet në sovranitetin kombëtar, vlerat tradicionale dhe mbrojtjen e lirisë së fjalës dhe sigurisë.
I ftuar në tubim ishte Kevin Roberts, president i institutit konservator amerikan The Heritage Foundation. U transmetuan video mesazhe nga politikania venezueliane María Corina Machado dhe presidenti argjentinas Javier Milei. Ata diskutuan strategjitë për shfuqizimin e Marrëveshjes së Gjelbër dhe dënuan “pushtimin” e emigrantëve muslimanë. /tesheshi.com/
