Një ditë pas dyshes shqiptare Rama-Abazoviç, në Ukrainë ka mbërritur treshja e fortë europiane Olaf Scholz-Macron-Draghi. Ata vizituan periferinë gjysmë të rrënuar të Kievit këtë mëngjes, raportoi Bild.
#Macron, #Scholz and #Draghi are already in #Kyiv. pic.twitter.com/pBO0hn8a9s
— NEXTA (@nexta_tv) June 16, 2022
Të tre udhëheqësit panë drejtpërdrejt atë që kishte mbetur nga bombardimet ruse.
Udhëheqësit evropianë, së bashku me presidentin rumun Klaus Johannes, udhëhiqen nga trupat ukrainase, të shoqëruar nga personeli i rëndësishëm i sigurisë dhe një numër i madh gazetarësh.
Ashtu si liderë të tjerë të huaj që kishin vizituar Kievin para tyre, Macron, Scholz, Draghi dhe Johannes ecnin rrugëve të Irpin, ku shenjat e bombardimeve janë të kudogjendura.
Udhëheqësit u bënë pyetje shoqëruesve në lidhje me kthimin e banorëve në qytetin e tyre dhe projektet e planifikuara të rindërtimit, dhe më pas panë një video pak minutash që tregonte Irpinin tre muaj më parë, kur luftimet ishin ndezur atje. Në muret e një ndërtese të rrënuar, lexohej “Make Europe Not War”, një mbishkrim që Macron e pa dhe komentoi: “është mesazhi i duhur (…) është shumë prekëse ta shohësh”.
Duke parë shtëpitë dhe rrugët e rrënuara të Irpinit pas bombardimeve ruse, kancelari gjerman Olaf Shcolz tha: “Rusia po shkon drejt katastrofës, shkatërrimit. Këtë duhet ta kemi parasysh në çdo gjë që vendosim. Shkatërrimi i shkaktuar nga kjo luftë është i tmerrshëm. Dhe është edhe më keq kur sheh se sa tepër irracionale është kjo dhunë.”
Nga ana e tij, presidenti francez tha se në Irpin janë kryer masakra e krime lufte dhe përshëndeti “heroizmin” e ukrainasve.
“Është një qytet heroik, i shënuar nga stigmat e barbarizmit,” u tha Macron gazetarëve. “Të gjithë i pamë këto imazhe të një qyteti të rrënuar, i cili është në të njëjtën kohë një qytet heroik, pasi këtu, ndër të tjera, ukrainasit ndaluan ushtrinë ruse që zbriste në Kiev. Prandaj përfaqëson heroizmin e ushtrisë, por edhe të popullit ukrainas.”
Irpin, një periferi veriperëndimore e Kievit, ishte skena e përleshjeve të ashpra midis rusëve dhe ukrainasve gjatë ditëve të para të pushtimit rus në fund të shkurtit. /tesheshi.com/
