Mbrëmë Janullatosi nga Komuniteti Ortodoks, e sot George Frendo nga ai Katolik, kanë përcjellë urimet e tyre për Krishtlindje.
“Ti që deri në këtë moment i ke mbajtur inat dikujt, je i gatshëm ta afrosh dhe ti japësh dorën dhe ta urosh gëzuar Krishtlindjen? Nëse jo, atëherë je shtiracak, hipokrit, zemërgur, mendjemadh, nuk je i denjë të kremtosh Krishtlindjen”, tha George Frendo.
“Ashtu si dëshira e Jezusit ishte për më shumë drejtësi dhe lumturi në Jerusalem, kështu edhe ne të japim maksimumin për vendin tonë në këto kohë të vështira duke i lënë vend dashurisë më shumë se sa urrejtjes”, tha kleriku i lartë katolik.
Ndërsa Janullatos, tha se “për shkak të mënyrës si kremtohet në vendet tona të shekullarizuara, shpeshherë kuptimi i Krishtlindjes tjetërsohet”.
“Le të përpiqemi ta jetojmë dashurinë ashti siç na e mëson Krishti, të mbushur me përulësi, paqe dhe ndjeshmëri sociale, dhe pa dallim. Gëzuar Krishtlindjen”, uroi kryepeshkopi Anastas Janullatos në mesazhin e tij. /tesheshi.com/
