Po vazhdon kërcënimi me jetë përmes grafiteve i presidentit Thaçi dhe kreut të Bashkësisë Islame,
Naim Tërnava. Është gurthemeli i Xhamisë Qendrore në Prishtinë i cili sot është mbushur me mesazhe kërcënuese ndaj dy të lartcekurve.
Aty është shkruar me ngjyrë të kuqe dhe të zezë: “Naim Ternava dhe Hashim Thaçi do të vriten. Avniu”. “Mos ndërto xhami turke”, “Rroft Shqiprija”.
Kujtojmë se mëngjesi i 1 gushtit kishte zbardhur me kërcënimet që ishin shkruar përmes grafiteve në murin e Fakultetit Filologjik të Universitetit të Prishtinës.
Në ato grafite ishte shkruar: “O Shpend Ahmeti, në Dardani, s’do të ketë Xhami Turke, do të ketë gjak. Do të vritesh o qen. Posht VV e Albin Talibani”.
“Vdekje Naim Tërnavës e Hashim Turkut, Avni Rrustemi Rrnoft”.
Policia ka njoftuar ditë më parë se ka nisur hetimet lidhur me këtë rast. Ka thënë të ketë intervistuar disa dëshmitarë. /tesheshi.com/
