Pas amabasadorit amerikan Delawie, edhe presidenti presidentit Thaçi ju ka bërë thirrje qytetarëve që të ushtrojnë të drejtën e tyre për të votuar në zgjedhjet e nesërme parlamentare, duke thënë se këto zgjedhje janë mundësi tjetër për konsolidimin e institucioneve demokratike dhe kanë efekt të drejtpërdrejtë për të gjithë.
“Vota e juaj është thelbi i demokracisë, e cila përcakton se në çfarë drejtimi do të shkojë vendi ynë. Nesër, të gjithë ju që keni të drejtën e votës, dilni dhe votoni për të ardhmen tuaj, votoni për familjet tuaja, votoni për konsolidimin e shtetit dhe votoni për të ardhmen euroatlantike të vendit”, kreu i shtetit kosovar përmes një thirrjeje të postuar në ueb-faqen e Presidencës.
Ai ka falenderuar të gjitha institucionet, KQZ-në, policinë, OSBE-në, mediat, shoqërinë civile, BE-në dhe vëzhguesit nga BE-ja dhe nga PE-ja, ambasadat e shumta që janë angazhuar të garantojnë një proces elektoral të drejtë dhe të suksesshëm.
Në linkun më poshtë mund ta dëgjoni adresimin e presidentit:
