NATO ka reaguar me një mesazh pikëllues për ndarjen nga jeta të ushtarakut tjetër shqiptar, major Klodian Tanushi, pak orë pas u përcoll për në banesën e fundit kolegia e tij Zarife Hasanaj.
Që të dy ata humbën jetën në kuadër të një operacioni çminimi në kuadër të NATO-s, në tokën letoneze.
Në mesazh, Tanushi konsiderohet “vëlla”.
“Është dhimbje e madhe që sot ka ndërruar jetë Major Klodjan Tanushi. Ne i shprehim ngushëllimet tona më të thella bashkëshortes, fëmijëve dhe të afërmve të tij.
Pasi luftoi për jetën e tij, Major Klodjan Tanushi vdiq nga lëndimet e pësuara gjatë një detyre të EOD, në vijën e detyrës më 6 maj 2019, që mori gjithashtu jetën e Nëntetares Zarife Hasanaj.
Kemi humbur një nga tanët, një vëlla nën armë. Në këto kohë dhimbjeje, mendimet tona shkojnë tek të dashurit, miqtë dhe kolegët e tij. Jeta e tij do të kujtohet”, thuhet në mesazh e përcjellë nga Aleanca Atlantike.
Kjo është një nga humbjet më të rënda të ushtrisë shqiptare në kuadër të misioneve ndërkombëtare. /tesheshi.com/
