Deri më sot kemi parë ofrim ushqim falas, si akt bamirësie me sfond fetar, teksa është fundi i një muaji të madh siç Ramazani, i cili kulmon me Fiter Bajramin të mërkurën e pritshme, pas një muaji agjërim. Por në Gjilan, bamirësia dhe humaniteti është zgjeruar dhe në veshje. Kështu, aty një butik ka vendosur të ofrojë veshje falas për çdokënd që nuk ka mundësi ekonomike të vishet bukur për atë ditë.
Në dy festat islame, Bajramet, besimtari këshillohet të jetë veshur sa më bukur, për të patur një pamje sa më të këndshme. Por mundet që jo të gjithë ta ketë mundësinë për këtë.
Ndaj, butiku në fjalë ofrohet për t’ja mundësuar pamjen e këndshme çdo besimtari që e dëshiron, por që ndoshta nuk e ka mundësinë. /tesheshi.com/
