Kryeministri Edi Rama përcolli një mesazh të hidhur e njëherësh të fortë për Kosovën dhe Serbinë, në një fjalim nga eventi i 32-vjetorit të themelimit të PS-së.
Ai tha se si Prishtina e si Beogradi po qasen një plani të Asocacionit nga Tirana si komunistë.
“Mua më vjen mirë që përpjekja për të dhënë një kontribut konkret për dialogun dhe përkatësisht për zgjidhjen e ngërçit të madh të asociacionit të komunave me shumicë serbe është pritur tej mase mirë nga aleatët dhe partnerët tanë.
Ndërsa atyre që e kanë kundërshtuar, as pa e ditur fare edhe përmbajtjen dhe fatkeqësisht njësoj, si në Prishtinë dhe në Beograd, duke thënë se nuk e presin dhe as nuk duan të dëgjojnë për një propozim nga Shqipëria, sepse sipas tyre, secila nga të dyja palët duhet ta bëjë vetë Asociacionin sipas mendjes së vet, unë i them dy gjëra: Së pari, ata që flasin kështu jetojnë akoma me komunizmin në kokë, kur politika merrej me ‘kush e tha’ dhe jo ‘çfarë tha’, dhe së dyti, vërtetë janë ata që vendosin secili për vete, por ky rajon nuk është vetëm i tyre, është dhe i yni, është dhe i disa të tjerëve”, u shpreh Rama. /tesheshi.com/
