Mes shprehjes së forcës dhe prestigjit e pranimit të dobësisë, PD zgjodhi këtë të dytën teksa firmosi një marrëveshje kolicioni pasgjedhor me LSI-në.
Basha e Kryemadhi e firmosën atë, që, nëse vijë në pushtet, do e ndajnë atë së bashku.
“Si Opozitë e Bashkuar, PD dhe LSI do të konkurojnë në zgjedhje me dy lista (PD-AN + LSI), për të realizuar një përfaqësim të plotë dhe sa më gjithëpërfshirës politiko-elektoral dhe kurorëzimin e fitores së Opozitës në zgjedhjet e 25 Prillit 2021.
Të respektojnë shtyllat themelore programore të të dy partive respektive në qeverisjen e ardhshme.
Përfaqësimi në të gjithë nivelet e qeverisjes së ardhshme do të realizohet proporcionalisht mbi bazën e rezultatit zgjedhor”, thuhet ndër të tjera në marrëveshje.
Sa i përket programit qeverisës, aty janë përfshirë dhe dy sfidat më të mëdha, pandemia COVID dhe Rindërtimi, të cilat artilohen si vijon:
“Për të zgjidhur në mënyrë prioritare problemin e rindërtimit të banesave të dëmtuara dhe të shkatërruara nga tërmetet. Për një proçes shumë të shpejtë, jokorruptiv e selektiv dhe me garanci juridike për pronën e tyre, që u mundëson qytetarëve të kenë në kohën më të shpejtë të mundshme njësitë e banimit apo të shërbimit.
Për t’i dhënë fund problemit kritik të pandemisë COVID-19, duke zbatuar një plan shëndetësor-social, i cili i jep përgjigje kufizimit të përhapjes, realizimin e testimeve, gjurmimeve dhe trajtimeve mjekësore, rimbursimin e shpenzimeve për pacientët, që trajtohen në banesë, vaksinimin e gjerë të popullatës larg trajtimit diskriminues. Për të realizuar planin e rimëkëmbjes së ekonomisë dhe mbështetjes së qytetarëve dhe biznesit të prekur nga pandemia”.
Kujtojmë: deri më tani, sondazhet nxjerri fitues PS-në, e cila për herë të dytë do tentojë e vetme në garë elektorale, pas provës së parë në 2017, e cila i dha një mandat të dytë pas asnjë lloj risku. /tesheshi.com/
