Një vajzë e re, Esme De Silva ka pasur gjithnjë problem lidhur me djersitjen e tepërt dhe në çdo moment të ditës ndihej në siklet. Qysh në kohën e liceut e reja mbante me vete rroba për t’u ndërruar dhe deodorant, por ndihej vazhdimisht e tallur.
Situata u rëndua edhe më shumë vitin e kaluar, kur edhe në punë anglezja Esme nga Berkshire, nuk arrinte të kontrollonte djersitjen. Pas periudhës shkollore, ku lante çdo ditë uniformën, Esme nisi të kishte problem edhe gjatë bërjes së shopping.
Materialet sintetike nuk këshillohen për ata që kanë probleme me djersitjen e tepërt, por në dyqane një pjesë e madhe e veshjeve janë me materiale të tilla. Edhe kur udhëtonte në metro nisi të kishte problem.
Vajza e re vendosi që të shkëputet 6 muaj nga puna, për të gjetur një zgjidhje, pasi edhe i dashuri i saj e la. Ajo i vuri synim vetes që të kontrollonte ankthin dhe djersitjen. Në fillim mjekët provuan disa terapi, që nga ilaçet e deri te regjimi ushqimor, por pa arritur asnjë rezultat.
Disa mjekë i këshilluan Esme që të bënte injeksione në sqetull, për të frenuar djersitjen. Por e reja gjeti zgjidhje falë një deodoranti që aplikohet gjatë natës dhe që lufton djersitjen e tepërt.
Pas këtij zbulimi, jeta e saj ka ndryshuar. Esme ka nisur punë si reportere e lirë dhe pas disa muajsh do të martohet me të fejuarin e saj Anthony./tesheshi.com/
