FIFA ka më në fund një presidenti të ri, e ai është Gianni Infantino, sekretari i përgjithshëm i UEFA-s.
Ai arriti të sigurojë 115 vota në favor të tij në raundin e dytë të votimeve, duke lënë pas rivalin më të afërt, me 27 vota më pak, Sheikh Salman bin Ebrahim al-Khalifa.
Ndërsa në raundin e parë të votimeve nuk u arrit në nxirrej një fitues, në raundin e dytë kërkohej një shumicë e thjeshtë, 104 vota, për të përcaktuar presidentin e ri të organizmit botëror të futbollit.
“Të dashur miq, nuk mund t’i shpreh ndjenjat e mia në këtë moment.” Këto qenë fjalët e para të Infantino-s pas zgjedhjes president para delegatëve të kongresit të jashtëzakonshëm të FIFA-s.
“FIFA ka kaluar kohë të trishta, momente krize, por ato kohë kanë marrë fund. Ne duhet të vëmë në zbatim reformën, të vëmë në zbatim transparencën dhe qeverisjen e mirë. Ne gjithashtu duhet të kemi respekt,” ka shtuar ai.
Infantino, një zvicerian 45-vjeçar, zëvendëson në postin më të lartë të FIFA-s një tjetër zvicerian, Sepp Blatter-in, i cili do ta udhëhiqte FIFA-n që nga viti 1998, për t’u detyruar në fund të vitit të shkuar ta linte detyrën kundër vullnetit të tij. Një dënim i zbritur së fundi e lë atë jashtë futbollit për gjashtë vite. /tesheshi.com/
