Merr fundi odiseja policore kapjes së një të konsideruari të sëmuri mendor, i cili i morri jetën efektivit të FNSH-së Shkodrës, Ardian Kodra.
Pas orësh të tëra përpjekjesh, forcat e policisë, të ndihmuara nga repartet RENEA kanë ndërhyrë me një autoblindë dhe gaz lotësjellës për të ndaluar vrasësin, David Qosja, i cili ishte mbyllur në banesën e tij.
Ai tashmë ndodhet nën pranga, pas një aksioni që zgjati për disa orë, e ku i pranishëm ishte dhe n/drejtori i përgjithshëm i Policisë së Shtetit, Altin Qato.
Ishin në orët e paradites, kur në Torovicë të Lezhës, kur Qosja, i njohur në zonë si person me probleme mendore por i padokumentuar si i tillë, nisi të qëllonte në ajër me automatik, por dhe në “mish njeriu” duke i marrë jetën policit të karrierës, Ardian Kodra, 50 vjeç.
Tashmë pritet të zbardhet e gjithë ngjarja, ku përfshihën dhe arsyet se përse trupat e FNSH-së shkuan në zonë, e si ndodhi që njëri prej tyre të humbte jetën, që thuhet se është qëlluar jo në aksion e sipër, por duke ndenjur para furgonit të policisë. /tesheshi.com/
