Një grevë urie e rreth 90 emigrantëve, që kishte nisur ditë më parë në kufirin midis Serbisë dhe Hungarisë, është mbyllur sot. Lejimi për të vijuar udhëtimin përtej kufirit të mbyllur hungarez ishte ajo që i kishte bërë emigrantët, përgjithësisht nga Afganistani dhe Pakistani, të nisnin grevën e urisë.
300 të tillë do të niseshin të premten e shkuar në këmbë nga Beogradi për të arritur në kufi, por vetëm 90 prej tyre e përmbushën synimin.
Të pashpresë, emigrantët kërkuan të protestojnë ndaj mbylljes së kufirit të Hungarisë, e ndaj masave të reja për rritjen e sigurisë.
Siç njofton agjencia e OKB-së për refugjatët, emigrantët do të transferohen këtë mbrëmje në qendrat e pritjes në Serbi.
“Ata shpresonin të kalonin përmes (Hungarisë), por megjithatë ia dolën së paku që të dëgjoheshin,” i tha agjencisë së lajmeve AFP një zëdhënëse e UNHCR-së në Serbi.
Edhe pse rruga ballkanike e kalimit të refugjatëve është mbyllur që në mars, ata kanë vijuar të depërtojnë me ndihmën e kontrabandistëve në numër më të vogël.
Numri i të bllokuarve në Serbi është rritur ndjeshëm që kur Hungaria i shtoi masat për ta bërë të pamundur kalimin e kufirit. /tesheshi.com/
